1. |
Dans & Brand
03:14
|
|||
Verloor jou in die
strome van verbeelding
ek hou my kop bo water
tot ek in 'n see van kleur verdrink
Die klank verly my
en note soen my
Dis malligheid die,
maar daar's niks wat my kan keer nie
Ons is slawe
en hierdie is ons straf
Verlore maar tog vry
met een voet in die graf
Dis nie 'n droom nie
Is dit 'n halusinasie?
Die waarheid word 'n
storie wat net nooit wil eindig nie
...en hier is ek en jy
ons staan en dans en brand
vir ewig in die
ritme vasgevang
Ons is slawe
en hierdie is ons straf
Verlore maar tog vry
met een voet in die graf
Dis verslawend
Hoe't ek hier beland?
Kom jy saam met my
vir ewig dans en brand
|
||||
2. |
Weghardloop
03:19
|
|||
Ek's uit by die ruit
Ek't vanaand finaal vir myself besluit
en ek droom daagliks daar's iets beter
en mens het blykbaar net een lewe
Ek staan op die rand
My nuwe lewe bloei aan die onderkant
en ek sweer ek't 'n duisend redes
en die beste tyd is nou
Ek wil in die niet/nuut verdwyn
en nooit weer terugkyk
Vryheid is net 'n woord
tot jy regtig fokkin weghardloop
Ek wil in die niet/nuut verdwyn
en nooit weer terugkyk
Vryheid is net 'n woord
tot jy regtig fokkin weghardloop
Sal jy nooit hier kan verdwyn
en nooit weer terugkyk
Vryheid is net 'n woord
tot jy regtig fokkin weghardloop
|
||||
3. |
Sirkels
03:14
|
|||
Ek wil al my kettings afbreek
Grys geboue om laat keer
Soos 'n golf wat nooit wil breek nie
Soos 'n skip op die bodem van die see
Ek's 'n engel sonder vlerke
Ek's 'n duiwel met my horings afgesny
Die gevoel in my raak al hoe sterker
Daar's 'n leeu wakker hier binne-in my
Vir ewig
in sirkels
Alles al duisend keer probeer
Sien die lig
wil deurbreek
Die keer is dalk de laaste keer
As ek kon glo in wonderwerke
As ek bonatuurlik krag kon kry
Hierdie om-en-om gesprekke
is net nie meer genoeg vir my
Vir ewig
in sirkels
Alles al duisend keer probeer
Sien die lig
wil deurbreek
Die keer is dalk de laaste keer
|
||||
4. |
Laaste Sigaret
03:01
|
|||
Jy's die laaste trekkie
van my laaste sigaret
Soos om alles te onthou
wat jy wou vergeet het
'n Kop vol geheime
kan jou nie kwalik neem
'n Bottel goedkoop wyn
't maar net aangeneem
Jy het al te veel
gebloei om om te gee
Jy het al te veel
gebloei om om te gee
Ek is in 'n hemel
oorgeverf in swart
Al die goue strate
Donker soos jou hart
As jy lag begin die son skyn
As jy huil begin dit reën
Ek wil binne-in jou inklim
en jou bloedpomp by jou steel
'n Kop vol geheime
kan jou nie kwalik neem
'n Bottel goedkoop wyn
't maar net aangeneem
Jy het al te veel
gebloei om om te gee
Jy het al te veel
gebloei om om te gee
|
||||
5. |
Versmoorlief
02:31
|
|||
-instrumenteel-
|
||||
6. |
Terwyl ons loop op wolke
02:57
|
|||
Ek's 'n skelm in die nag
Ek's die mes wat vir jou wag
en my gewete is al lankal uitgesny
Vergeet als wat jy weet
Verkoop als wat jy het
Dis nou verlede, van nou af is jy vry
Kom saam vanaand
Ek sal jou leer dans met die maan
en dit alles sal verbygaan
Wat afgaan moet weer op
Pasop daai koeël kom vir jou kop
Ons loop op wolke, hoër as julle almal nou
Ek wil smelt in die plesier
en verdrink in liters bier
Ja daar's geen rede om myself in te hou
Kom saam vanaand
Ek sal jou leer dans met die maan
Jy't niks om te verloor
Gee net oor
Ek sal jou leer dans met die maan
Verlief vir ewig
|
||||
7. |
Kamikaze
03:14
|
|||
Ek is aan die ander kant
Daar's geen manier hoe ek kan
sê dat ek jou gaan onthou nie
Ek's verlief maar nie op jou nie
en as is net verbrande hout
en omgee was ook net 'n fout
wat ek nooit weer sal maak nie
Solank die drank net nooit opraak nie
Kaksleg, verveeld, dis erg
ons almal moer ons lewens weg
Te hard, te seer, fokkin lekker
Kom ons doen dit nog 'n keer
Gee my net die goue gif
Skink dit en ek skiet hom kop toe
Die gevoel is hemels
Ek's 'n slaaf vir elke impuls
en jy kan maar vir ewig wens
of opstaan en iets doen
omtrent jou drome, jy's verlore
Jy sal loop maar nie op kole
Kaksleg, verveeld, dis erg
ons almal moer ons lewens weg
Te hard, te seer, fokkin lekker
Kom ons doen dit nog 'n keer
|
||||
8. |
||||
Jy sê jy sukkel om op te kom
en jy is moeg vir hierdie kruis wat jy moet ronddra
en al die redes daarvoor laat jou wonder
Dit voel of alles om jou nader kom
Jy's paranoïs en jy is goed geseën met fobies
Dit laat die wêreld lyk soos 'n honger monster
Niks voel meer soos aan die begin nie
Dis verby, sien jy, die horison sluk die son in
en ons paadjie word nou net te donker
...en jy kan dit nie meer aanhou doen nie
Jy verdrink in die gevoel wat jou hart laat sink
Dit laat die wêreld lyk soos 'n honger monster
(soek god, sonder 'n kruis, droom groot, jy moet bewys, jy spook, maar niemand sien, jou bloed kook, maar niemand sien)
|
||||
9. |
Die Masjien
02:31
|
|||
My vriend, jy weet dit
Jy's net 'n deel van die masjien
Geen rus, geen vrede
Jy weet ons almal het ons prys
Wees skoon en tevrede
Wees onoorspronklik soos jou kloon
Ek soek die vreemde
en hierdie wêreld is te klein
...en ek het geleer
As jy soek sal jy bloed moet sweet
soos 'n dier op jou knieë
Oppad nêrens heen
My hart is vol rook ek weet
Ek's 'n dier op my knieë
Fok dit, ek's oor dit
Niks wat jy sê kan my oorreed
Ek voel nie beter
Dit groei in my soos 'n wilde roos
Ek het geleer
As jy soek sal jy bloed moet sweet
soos 'n dier op jou knieë
Oppad nêrens heen
My hart is vol rook ek weet
Ek's 'n dier op my knieë
|
||||
10. |
Die Somer is Verby
02:20
|
|||
Die somer is nou,
die somer is al verby.
en jy soek nou,
soek nou na sekuriteit.
Liefdelose liefdesverhaal,
net met vetter beursies,
as jy kon weer kies.
Maar ek weet beter, ek weet.
Ek weet beter, ek weet.
Jou kop word voller maar jou hart word leër.
Die somer is nou,
die somer is al verby.
en jy soek nou,
soek nou na stabiliteit.
Jy's opsoek na 'n tonnel,
vir jou tonnelvisie.
Geen ambisie.
Maar ek weet beter, ek weet.
Ek weet beter, ek weet.
Jou kop word voller maar jou hart word leër.
Paniek het jou in koue sweet in geslaan!
|
||||
11. |
Geluk
03:45
|
|||
My skip is aan die sink
Ek's aan die spore vasgebind
Iemand het dit in vir my
maar ek weet dis nie my tyd
Want ek spoel weer uit op land
en die trein kies die ander kant
jy is net wie jy is
en jy kry net wat jy kry
Geluk is net geluk
en ek's al gelukkig vir 'n ruk
ry die golf tot hy jou spoel
as jy weet wat ek bedoel
jy kan met my toor
ek het niks om te verloor
more is 'n kaal bladsy
met haar bene oop vir my
Geluk is net geluk
en ek's al gelukkig vir 'n ruk
ek ry die golf tot hy my spoel
as jy weet wat ek bedoel
|
If you like Swart, you may also like:
Bandcamp Daily your guide to the world of Bandcamp